ಪಾಕ್ ಗೆ ಶಾಕ್ ನೀಡಿದ ಎಫ್ ಎ ಟಿ ಎಫ್!! ಕೊನೆಗೂ ಬಯಲಾಯಿತು ಪಾಕಿಸ್ತಾನದ ಅಸಲಿ ಮುಖ!!

ಇತ್ತಿಚೆಗಷ್ಟೇ ಕಣಿವೆ ರಾಜ್ಯ ಕಾಶ್ಮೀರದಲ್ಲಿ ಭಯೋತ್ಪಾದನೆಗೆ ಪಾಕಿಸ್ತಾನ ಸರ್ಕಾರವೇ ಕುಮ್ಮಕ್ಕು ನೀಡುತ್ತಿದೆ ಎಂಬುದನ್ನು ಸಾಬೀತು ಮಾಡುವ ಬಲವಾದ ಸಾಕ್ಷ್ಯಾಧಾರಗಳನ್ನು ಭಾರತದ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್‍ಐಎ) ಬಹಿರಂಗಗೊಳಿಸಿದೆ. ಪಾಕಿಸ್ತಾನದ ಮಾಜಿ ಪ್ರಧಾನಿಯೊಬ್ಬರು ಹವಾಲ ಏಜೆಂಟ್ ಮತ್ತು ಕಳಂಕಿತ ಉದ್ಯಮಿ ಜಹೂರ್ ಅಹಮದ್ ಶಾ ವಟಾಲಿಗೆ ಬರೆದಿದ್ದ ಪತ್ರವೊಂದನ್ನು ನ್ಯಾಯಾಲಯಕ್ಕೆ ಎನ್ ಐ ಎ ಹಾಜರುಪಡಿಸಿದೆ. ಮೊಹರು ಆದ ದಾಖಲೆಪತ್ರಗಳಲ್ಲಿ ಈ ಪತ್ರವೂ ಸೇರಿದ್ದು, ಮಾಜಿ ಪ್ರಧಾನಿಯ ಹೆಸರನ್ನು ಬಹಿರಂಗಗೊಳಿಸಲು ಅಧಿಕಾರಿಗಳು ನಿರಾಕರಿಸಿದ್ದಾರೆ.

ಕಳೆದ ವರ್ಷ ವಟಾಲಿ ನಿವಾಸದಲ್ಲಿ ಈ ಪತ್ರ ಪತ್ತೆಯಾಗಿದ್ದು, ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದನೆಗೆ ಹಣಕಾಸು ನೆರವು ನೀಡುತ್ತಿದ್ದ ಆರೋಪಿಗಳ ಬಗ್ಗೆ ಕೋರ್ಟ್‍ಗೆ ಎನ್ ಐ ಎ ಚಾರ್ಚ್‍ಶೀಟ್ ಸಲ್ಲಿಸಿದೆ. ಅದಕ್ಕೆ ಪೂರಕವಾಗಿ ಕೆಲವು ಮಹತ್ವದ ದಾಖಲೆ ಪತ್ರಗಳು ಮತ್ತು ದಸ್ತಾವೇಜುಗಳನ್ನು ಸಹ ಹಾಜರುಪಡಿಸಿದೆ. ಈ ದಾಖಲೆಗಳಲ್ಲಿ ಪಾಕಿಸ್ತಾನ ಸರ್ಕಾರ ಮತ್ತು ಬೇಹುಗಾರಿಕೆ ಸಂಸ್ಥೆ ಐ ಎಸ್ ಐ ಕಾಶ್ಮೀರದ ಹುರಿಯತ್ ನಾಯಕರೊಂದಿಗೆ ನಿಕಟ ಸಂಬಂಧ ಹೊಂದಿರುವುದನ್ನೂ ದೃಢಪಡಿಸುವ ಪುರಾವೆಗಳೂ ಇವೆ.

ಐಎಸ್‍ಐಗೆ ಅತ್ಯಂತ ಆಪ್ತವಾಗಿರುವ ವಟಾಲಿ ಹವಾಲ ಮತ್ತಿತರ ವಾಮ ಮಾರ್ಗಗಳ ಮೂಲಕ ಹಲವು ಕೋಟಿ ರೂ.ಗಳ ಅವ್ಯವಹಾರಗಳನ್ನು ನಡೆಸಿರುವ ಬಗ್ಗೆ ಚಾರ್ಚ್‍ಶೀಟ್‍ನಲ್ಲಿ ವಿವರಗಳನ್ನು ದಾಖಲಿಸಲಾಗಿದೆ. ವಟಾಲಿಗೆ ವೀಸಾ ನೀಡಬೇಕೆಂದು ನವದೆಹಲಿಯಲ್ಲಿನ ಪಾಕಿಸ್ತಾನ ಹೈ ಕಮಿಷನರ್ಗೆ ಅಲ್ ಶಫಿ ಗ್ರೂಪ್ಸ್ ಆಫ್ ಕಂಪನಿಯ ಮಾಲೀಕ ತಾರೀಖ್ ಶಫಿ ಬರೆದಿರುವ ಪತ್ರವೂ ಇದರಲ್ಲಿದೆ ಎನ್ನುವ ವಿಚಾರವನ್ನು ಭಾರತದ ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್‍ಐಎ) ಬಹಿರಂಗಗೊಳಿಸಿದೆ!!